مركز النجاح للخدمات الجامعية
أهلا بكم في منتدى مركز النجاح للخدمات الجامعية
أخي - أختي الزائر تفضلو بالتسجيل في منتداكم
فهو بحاجة إلى جهودكم ومشاركاتكم
مركز النجاح للخدمات الجامعية

موقع يهتم بالخدمات الجامعية بشكل عام بالإضافة للتسلية والمعرفة
 
الرئيسيةالرئيسية  البوابةالبوابة  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 رد لي للشاعر طارق المحياس

اذهب الى الأسفل 
كاتب الموضوعرسالة
القلب الطيب
الإدارة
الإدارة
القلب الطيب

ذكر
عدد الرسائل : 126
العمر : 40
العمل/الترفيه : أعمال حرة
المزاج : الحمد لله
تاريخ التسجيل : 07/08/2008

مُساهمةموضوع: رد لي للشاعر طارق المحياس   الخميس أغسطس 28, 2008 11:05 am



من أروع القصائد للشارع طارق الحياس
رد لي يا ابن الحلال

بح صوتي من كثر ما قمت أناديلك تعال
رد لي يا ابن الحلال

ياخي مابي شيء منك
كل همي بس أشوفك
ياللي ذبحتني ظروفك
لابو حبك لابو وعدك
حس فيني لابو جدك
والله أني في غيابك حالتي تصعب علي
دنيتي بعدك خلت من كل شيء
لا ورود ولا زهور .. لا شجون ولا شعور
حتى أصحابي وربعي حسو بحزني ودمعي
وأنته عندك من يسليك بغيابي
وأنا ماعندي سوى همي وعذابي
لي غدى قلبك يهودي .. ليه تتنسى عهودي
حس فيني يا رقيق العاطفه .. المشاعر في غيابك خايفه
قلي بس يعني شاسوي لك عشان أنته ترجع
بح صوتي من كثر ماقمت أناديلك تعال
رد لي يا أبن الحلال

والله أني في غيابك أدعي أني سعيد
بس أنا ماني سعيد
همي كل ماله يزيد .. يا برودك يا عنيد
ماشي لاترجع عشان أني أحبك
رد وأكسب فيني بس ياخي أجر
وعن غيابك ما أبي منك عذر
إيه أبيك .. وأرخص الدنيا عشانك واشتريك
وإللي يرحم والديك رد لي روحاً غدت منك وفيك
عايشه بحبك على ذكرى تبيك

الأماكن كلها مشتاقة لك والعيون إللي إنرسم فيها خيالك والحنين إللي سرى بروحي وأجالك
ماهو بس أنا حبيبي..الأماكن كلها مشتاقة لك
كل شي حولي يذكرني بشي .. حتى صوتي وضحكتي لك فيها شي
لو تغيب الدنيا عمرك ما تغيب ..شوف حالي آآه من تطرى عليك
الأمـــاكن إللي مريت إنت فيها عايشة بروحي وأبيها بس لكن ما لقيتك
جيت قبل العطر يبرد قبل حتى يذوب في صمت المكان وأحتريتك
كنت أظن الريح جابك عطرك يسلم علي
كنت أظن الشوق جابك تجلس بجنبي شوي
كنت أظن وكنت أظن وخاب ظني ومابقى في عمري شي وإحتريتك
المشاعر في غيابك ذاب فيها كل صوت
والليالي من عذابك عذبت فيني السكوت
وصرت خايف لا تجيني لحظة يذبل فيها وردي وكل أوراقي تموت
آآآه تدري حبيبي كيف أيامي بدونك تسرق الفرحه وتفوت
الأمان..وين الأمان وأنا قلبي من رحلت ماعرف طعم الأمان
لــيه كل ما جيت أسأل هالمكان أسمع الماضي يقول ماهو بس أنا حبيبي
الأماكن كلها مشتاقة لك
قلي يعني شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

تعتقد أني بسهوله راح أتناسى الوداد
يا جماد ,, أو تظن أبنسى لو تطول في البعاد

مستحيل .... أنا اصلا في غيابك صار ليلي ماهو ليل
والله اني ما أنام
لجلك أسهر بس عشان اني أترجم لك أحاسيسي كلام

يمكن أنك تسمعه صدفه ويوصلك الملام
غيرك أنته لو سمع شعري يردد .. يا سلام ,, الله .. الله ,,
يسلم احساسك ويسلم هالكلام .. كاتبه أنته خيال ولا تقصد به أحد

يحرجوني بسؤال .. وأنا اسكت ما أرد ..
وأنت فاهم زين ( وتدري كل أشعاري عليك )
ياللي ماأبي حد في الدنيا كثر ما أنا أبيك

علمني وشلون وأنا إللي لك صاحي أيام وايام
شاغلني في بالي طيفك ولا يروح
صاحي أنا ونايم ميروح ميروووح
دنياك دنياي .. هو حد يسواك
في القلب وياي وفي البال وياك
يا الغالي وشلون تظن أبنساك
كيف الهوى يهون والقلب يهواك
تسهر عيوني تحلم بلقياك
ليت إللي باقي من عمري وياك
ماعشت عمري الحب ومعناه
لوعه وحرمان .. ماودي أنساك

قلي بس شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

بنتظر أنك تجيني لو عقب 100 سنه
راح أعيش بذكرياتي لين ما أنته تعود
يا أغلى من في هالوجود
الصبر .. آه .. يا الصبر
آه يذبحني الصبر .. أرحم أحساسي وقدر من متى بس أنتظر
طول غيابك كثير وصار يشغلني السؤال
ياترى في حد غيري مستعد يموت فيك ويرخص أهله و كل ناسه
وبالعمر هو يفتديك ...

يا عديم الشوق بعدي فيك ما أثر
لو أغيب العمر كل العمر أو أكثر
دنيتي قربك هواك .. صار عنواني
خذتني مني معاك .. وقلت لي أنساني
كيف أنسى وأنت ساكن وسط وجداني
مايجيك إللي يجيني لا عبر طيفك
أرتبك ما أحس فيني ألقاي ناديتك
اقترب مني تعال ردّ لي روحي
شوف غرس الحب طال من سبب نوحي
تاصل جذوره جدور الأرض بجروحي
يسألوني الناس وينك وأحبس الدمعة
ليه مبعد عنك و الأحباب مجتمعة
إذبحوني بالسؤال هزوا ثبوتي
صوتها هدّ الجبال صرخة سكوتي
ابتسم مادر كان أهون على موتي

قلي بس شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

شوفني ما أكسر الخاطر بدونك
وإللي يسلم لي عيونك رد لي
حيل محتاجك ابيك
كل دقيقه وكل لحظه قلبي يتوله عليك
فيني روح بلا جسد .. فيني قلب مايدق
بسئلك وأبغي تجاوبني بصراحه
يمكن أنك في جوابك تشفي قلبك من جراحه

متخيل أنا راح اتحمل بعدك عني مهما طول
وقلبك لما عني يرحل ينساني وانساه
متخيل انسى أيامي حزني فرحتي وآلامي
شوقي ضحكتي وأحلامي وكل إللي عشناه
متخيل إني راح أقدر أصبر واتحمل أكثر
حتى لو جروحي تكبر
لا حبيبي لا
وأنا ناطر حبيبي ترجع لي يا حبيبي
وأنا ناطر حبيبي أنا ناطر
مهما حاولت أداري لهفة روحي وناري
مهما طال انتظاري أنا ناطر
حرام تظلم أحبابك بغيابك وبعدك والله حرام
يا حبيبي حرام يصير الحب في لحضة كلام
الله ما يرضى يا ظالم
لكن لا إنت أطيب وما يرضيك إني أتعب
تبعد ولا تقرب ببقى ناطر
يلا تعال لحناني لو تدري كم أعاني ما تخليني ثواني
ما ظن هانت عليك تهدم حبنا بديك
وقلبي ناطر حبيبه وأنا ناطر
يلا حبيبي كفاية طالت هذي الحكاية
أنا محتاجك معايه يا حبيبي

قلي بس شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

دايم أجلس ويا نفسي وأنتظر أنك بأي لحظه تفاجأني وتجيني
تحضن إللي مات بعدك وأنكوى بنيران بعدك
تلعب بشعري تقول اشتقت لي
تحلف براسي وتقول ان أنته لي
وقتها اشعر طلع فيني جناح
مدري لي ودي أطير
وأنتهى كل إللي فيني من جراح
وفيني أتحرر اسير

تبتسم وتشوفني وتقول .. (( شخبارك حبيبي ))
وأنا أرد بكل هدوء .. خلنى مني
وطمني عليك .. ما أنام الليل من خوفي عليك
أنته طيب ؟؟!! هذا هو إللي يهم ..
أنته طيب ؟؟!! وغير هذا مايهم ..

تقاطعني وتقول لي وشفيه صوتك ..
وانا أرد .. وش فيه صوتي
مافي صوتي اي شيء
كنت سارح نامت عيوني شوي
وكنت أحلم بي معك
وأنته ساكت واسمعك
مافي قلبك كان ساعتها سواي
غير ذاك إللي قسم ودك معاي
تشتكي لي من عناده
تجرح جروحي زياده ..
ماكفاك .. ماكفاك ..
حتى في حلمي معنيني معاك
لو بساعد كنت اساعدني أنا
لو بيدي .. أنته محبوبي انا
ماخذاك ,, ماخذاك
بعد هذا ينتهي حلمي الجميل
بعد هذا ينتهي حلمي الجميل

كنت أحلم .. كنت سارح

يا زمن وش فيك قاسي ليه جارح
وترجع الآلام فيني من جديد
رد لي الواقع وخلاني وحيد
رد لي نفس السؤال إللي حيرني كثير

قلي بس يعني شاسوي لك عشان تحس وترجع ؟؟

والأجابه مدري وينك !!

بح صوتي من كثر ماقمت أناديلك تعال

رد لي يا أبن الحلال

_________________
لا تندم على حب عشته .... حتى ولو صار ذكرى تؤلمك ..!!
فإذا كانت الزهور قد جفت وضاع عبيرها ....
ولم يبقى منها غير الأشواك ...
فلا تنسى أنها منحتك عطراً جميلاً أسعدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://maktaba.ibda3.org
أسد الغابة
عضو فعال
عضو فعال
أسد الغابة

ذكر
عدد الرسائل : 105
العمر : 25
المزاج : مكيف
تاريخ التسجيل : 07/08/2008

مُساهمةموضوع: رد: رد لي للشاعر طارق المحياس   الأربعاء سبتمبر 03, 2008 1:59 am

يا أخي القلب الطيب أنت جميع قصائدك مو جميلة
لأنها أجمل من الجمال .....دمت بخير مشكووور
santa sunny santa sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القلب الطيب
الإدارة
الإدارة
القلب الطيب

ذكر
عدد الرسائل : 126
العمر : 40
العمل/الترفيه : أعمال حرة
المزاج : الحمد لله
تاريخ التسجيل : 07/08/2008

مُساهمةموضوع: رد: رد لي للشاعر طارق المحياس   الإثنين سبتمبر 08, 2008 1:26 pm

أسد الغابة

شكراً لمرورك أخي العزيز
مرورك هو الأجمل
لك تحياتي

_________________
لا تندم على حب عشته .... حتى ولو صار ذكرى تؤلمك ..!!
فإذا كانت الزهور قد جفت وضاع عبيرها ....
ولم يبقى منها غير الأشواك ...
فلا تنسى أنها منحتك عطراً جميلاً أسعدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://maktaba.ibda3.org
 
رد لي للشاعر طارق المحياس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مركز النجاح للخدمات الجامعية :: المنتديات الأدبية :: القصائد الشعرية-
انتقل الى: